Inventaire — Petrus de Pireto O.P. — 1
Rechercher dans les éditions d’inventaires
Edition : Martin Morard > plus de détails dans le répertoire BMF
Decimo nono augusti[1] anno Domini millesimo trecentesimo quadragesimo octavo, obiit reverendus in Christo pater frater Petrus de Pireto[2], istius conventus, oriundus[3] Flaunhaco[4], qui sincerissime in ordine conversatus et aptus et multum sufficiens clericus in omni scientia liberali et divina, non immerito[5] fuit Parisius ad gradum sacrae theologie promotus et exinde magister sacri palacii factus, exigente eius sufficientia, conversatione et religione que ubique in orbem patentissime rutilabant, per domnum[6] Iohannem papam[7] de Caturco assumptus[8] est in episcopum Mirapiscensem[9] in quo gradu quantum de bono in melius ac de virtute in virtutem vestigia patris sui sanctissimi Dominici secutus processerit, paucis litteris scribi non posset[10]. Hic reverendissimus pater huius conventus filius, sub cuius religione et disciplina fuit plenissime eruditus, nolens de ingratitudine reprehendi tanquam[11] verus filius memor beneficiorum tam spiritualium quam temporalium a conventu acceptorum, multa beneficia quae non sunt oblivioni tradenda fecit. Dedit enim indumenta multum [sic] preciosa
1. 16integra cum cappa pluviali de samito rubeo, cum leonibus de auro in rotis interclusis.
2. Item dedit pro ornamento altaris maioris paramentum in eodem, in rotis a simili<tudine> leonibus et leopardibus interclusis, cum retro tanto de simili opere et panno.
3. Item dedit unum alium panum cuius campus est totaliter de filo auri cum imaginibus de adventu, passione, ascensione et spiritus sancti missione Christi.
4. Item unum missale pulcherrimum, coopertum de velveto rubeo, cum clausuris de argento.
5. Item aliud missale quotidianum pro altari maiori.
6. Item dedit duos libros pulcherrimos Moralium super Iob[12].
7. Item dedit concordantias magni voluminis pulchras valde[13].
8. Item omnes libros quos potuit invenire, non parcendo bursae pro stipendiis scriptorum seu quovis alio modo, Augustini, Yeronimi, Anselmi[14], Thomae[15] et aliorum doctorum singularium et authenticorum tam philosophiae quam sacrae theologiae sub certis voluminibus congregavit, conventuique sub certis condicionibus dedit et applicavit[16].
Et hoc quod amplius conventui facere potuit fecit. Nam conventum heredem instituit et ultra septingentos Florenos de Florencia quos diversis[17] temporibus ab eo habuerat dum vivebat, post eius mortem habuit plusquam octingentos, et multa plura habuisset plusquam habuerit. Sed quia tempore mortalitatis magnae[18] anno quo supra obiit, ob neglicenciam exsecutorum[19] in episcopatu omnia perierunt quod non est culpa sua. Quare patres et fratres huius domus qui nunc estis et pro tempore in futurum eritis affectionem et beneficia tam sumptuosa oblivioni non tradatis ; immo[20] omnem ingratitudinem radicitus post ponendo in vestris missis et aliis vestris, tam sacerdotes quam alii, orationibus secretis pro tam nobili et benefico patre ad Dominum preces affectuosas insuper[21] et devotas effundatis cum scriptum sit : « Accepti beneficii memor esto »[22]. Migratio eius ab hoc saeculo fuit decima nona die augusti anno quo supra cuius anima requiescat in pace. Amen. Amen. Amen. Et est sepultus retro chorum in capella sancti Thomae in fundo capellae, in sepultura episcopali quae fuit fabricata pro ipso.
[1] D. n. a. ] om. Martin.
[2] Pireto ] Bireto Gallia christiana.
[3] oriundus ] + de Gallia christiana
[4] Flaunhaco ] Flaugnac (Lot).
[5] non immerito ] vero in merito Gallia christiana
[6] dominum ] domnum Gallia christiana
[7] Jean XXII.
[8] assumptus ] assumtus Gallia christiana
[9] Mirepoix.
[10] posset ] potest Gallia christiana
[11] tanquam ] tamquam Gallia christiana
[12] Grégoire le Grand, Moralia in Iob.
[13] Concordances alphabétiques de la Bible.
[14] Anselme de Cantorbéry.
[15] Thomas d'Aquin.
[16] integra... applicavit ] om. Gallia christiana
[17] diversis ] divisis Gallia christiana
[18] mortalitatis magnae ] inv. Gallia christiana
[19] exsecutorum ] executorum Martin
[20] immo ] imo Martin
[21] insuper ] om. Gallia christiana
[22] Dicta Catonis, sent. 50, dans Disticha vel dicta Catonis, collectio distichorum vulgaris, Breves sententiae, éd. E. Baehrens, Teubner, 1881 (Poetae Latini Minores, 3), p. 214-236, ici p. 216.
Précédente
Haut de page